వైసీపీ నేతలతో నేడు జగన్ భేటీ
#Andhrapradesh #Jagan #meeting #politics
ఆంధ్రప్రదేశ్ మాజీ ముఖ్యమంత్రి, వైసీపీ అధ్యక్షుడు Y. S. జగన్ మోహన్ రెడ్డి నేడు రంపచోడవరం నియోజకవర్గానికి చెందిన పార్టీ శ్రేణులతో సమావేశం కానున్నారు. ఉదయం 11 గంటలకు తాడేపల్లిలోని వైసీపీ కేంద్ర కార్యాలయంలో ఈ సమావేశం జరగనుంది.
ఈ భేటీకి స్థానిక సంస్థల మాజీ ప్రజాప్రతినిధులు, పార్టీ నేతలు, కార్యకర్తలు హాజరుకానున్నారు. నియోజకవర్గ స్థాయిలో పార్టీ పరిస్థితులు, ప్రజా సమస్యలు, ప్రభుత్వ విధానాలు, తాజా రాజకీయ పరిణామాలపై విస్తృతంగా చర్చించనున్నట్లు సమాచారం.
అలాగే పార్టీ బలోపేతం, భవిష్యత్ కార్యాచరణ, ప్రజల్లోకి వెళ్లే కార్యక్రమాలపై కూడా జగన్ దిశానిర్దేశం చేసే అవకాశం ఉందని పార్టీ వర్గాలు చెబుతున్నాయి. ఇటీవల రాష్ట్ర రాజకీయాల్లో చోటుచేసుకుంటున్న పరిణామాల నేపథ్యంలో ఈ సమావేశం ప్రాధాన్యత సంతరించుకుంది. పార్టీ శ్రేణులను మరింత చైతన్యపరిచే దిశగా జగన్ కీలక సూచనలు చేయనున్నట్లు తెలుస్తోంది.
