టీవీకే ప్రభుత్వంపై ఉదయనిధి స్టాలిన్ సంచలన వ్యాఖ్యలు

తమిళనాడు రాజకీయాల్లో మరోసారి మాటల యుద్ధం ముదిరింది. టీవీకే ప్రభుత్వ తీరుపై మంత్రి ఉదయనిధి స్టాలిన్ తీవ్ర విమర్శలు గుప్పించారు. అసెంబ్లీని సీఎం విజయ్ సినిమా హాల్‌లా మార్చేశారని ఆయన ఆరోపించారు. సభలో కూడా విజయ్ నటించడం ప్రారంభించారని, స్పీకర్ “కట్” చెబితే ఆగి, “యాక్షన్” అంటే మళ్లీ నటిస్తున్నట్లు వ్యవహరిస్తున్నారని వ్యంగ్యంగా వ్యాఖ్యానించారు.

అంతేకాకుండా, రేపటి నుంచి అసెంబ్లీకి కార్‌వాన్, మేకప్ మ్యాన్, ఫైట్ మాస్టర్లను కూడా తీసుకొస్తారేమోనని ఎద్దేవా చేశారు. ప్రస్తుతం మంత్రులు సభలో విజిల్స్ వేస్తున్నారని, త్వరలో ఐటమ్ సాంగ్స్‌కు డాన్సులు చేసే పరిస్థితి కూడా రావచ్చని విమర్శించారు.

ప్రజా సమస్యలపై చర్చ జరగాల్సిన అసెంబ్లీని వినోద వేదికగా మార్చుతున్నారని ఉదయనిధి ఆరోపించారు. ఆయన చేసిన ఈ వ్యాఖ్యలు రాజకీయ వర్గాల్లో చర్చనీయాంశంగా మారాయి. టీవీకే నేతలు ఈ విమర్శలకు ఎలా స్పందిస్తారన్నది ఆసక్తికరంగా మారింది. తమిళనాడు రాజకీయాల్లో ఈ వ్యాఖ్యలు కొత్త వివాదానికి దారితీసే అవకాశాలు కనిపిస్తున్నాయి.